Latest PDF Novel Mamoon Urdu Afsana Online

0
263
views

Latest PDF Novel Mamoon″ exceptionally celebrated around the world in this world. For it read in each country. it is extremely intriguing “Latest PDF Novel Mamoon” Download is this Event Novel is a decent and fascinating story You easily download it Can do etc

Latest PDF Novel Mamoon″ Pdf Books Download, Latest Urdu Digests,Poetry Book, Magazines, #Digest, Jasoosi Novels, Social Books, #Novels, Books of Kids, Latest Serial Novels, Computer Books, Educational Books, Health Books, Ibne Safi Novels, Imran Series, Inspector Jamshed Series, Ishtiaq Ahmed Novels, Islamic Books, Khaufnak Novels, Poetry, Safarnama Books, #Books, Funny Books, and All Kind of Urdu Books..!

Latest PDF Novel Mamoon Urdu Afsana Online

Latest PDF Novel Mamoon

شاپنگ مال میں وہ عین میری آنکھوں کے سامنے تھی میں کافی دیر سے اسے اپنی نگاہوں کے حصار میں لیے یک ٹک دیکھے جا رہا تھا زمانے کی گردش نے اسے پہلے سے بھی زیادہ حسیں اور پر کشش بنا دیا تھا اس کی ستواں ناک مجھے دور سے ہی دکھائی دے رہی تھی اور اس کے لامبے بھورے بال جو اس کی پتلی کمر پہ بل کھاتے رہتے تھے آج بھی اس کی کمر پہ لہرا رہے تھے۔

” تم ذرا بھی نہیں بدلی ”
میں نے پیچھے سے جا کر چپکے سے اس کے کان میں سرگوشی کی۔

” ہاۓ اللّہ ”
وہ ایک دم سٹپٹا کر پیچھے مڑی اور مجھے دیکھ کر حیرت زدہ رہ گئی۔
” منیب۔۔۔تم “

” ہاں میں ”
میں نے جینز کی جیبوں میں ہاتھ ڈالتے ہوۓ لاپرواہی سے جواب دیا۔

” کیسی ہو تم ”
” میں ٹھیک ہوں تم سناؤ کیسے ہو ”
” تمہارے سامنے ہوں خود ہی دیکھ لو ”
مجھ میں اچانک وہ پرانی یونیورسٹی والی شوخی در آئی۔

” تم بھی تو نہیں بدلے ”
اس نے شرماتے ہوۓ کہا۔

” تم نے شرمانہ بھی سیکھ لیا۔۔۔ہاں ”
میں بھلا اس کے اس روپ سے کب واقف تھا یونیورسٹی میں وہ کسی طور بھی سلطان راہی سے کم نہیں ہوا کرتی تھی۔

” ویسے تم یہاں کہاں گھوم رہے ہو ”
اس نے بات بدلتے ہوۓ کہا پر اس کی آنکھوں کی چمک بتا رہی تھی کہ وہ آج بھی مجھے نہیں بھولی۔

” بس ذرا خریداری کرنی تھی اور پھر تم نظر آ گئی ”
میں نے شوخ ہوتے ہوۓ اس کی آنکھوں میں جھانکا وہ ایک لمحے کو ٹھٹھکی پر اگلے ہی پل اس نے خود پہ قابو پا لیا تھا۔

” اکیلے آۓ ہو یا ساتھ میں۔۔۔۔۔۔ ”
اس نے میرے آگے پیچھے دیکھتے ہوۓ جان بوجھ کر بات کو ادھورا چھوڑا تھا۔
وہ بھلا میرے ساتھ کب کسی کو برداشت کر سکتی تھی۔

” ہاہاہا۔۔۔۔ہاں اکیلا ہی ہوں ”
نہ چاہتے ہوۓ بھی مجھے ہنسی آ گئی۔

” وہ۔۔میرا۔۔۔مطلب یہ نہیں تھا ”
وہ میرے اس طرح قہقہہ لگانے پہ بوکھلا گئی تھی اور اس کا یہی بوکھلانا میرے دل کے تاروں کو چھیڑ گیا تھا تو اس کا مطلب وہ آج بھی مجھ سے محبت کرتی ہے۔
مجھے بے اختیار یورنیورسٹی کے وہ دن یاد آ گئے جب ہم یک جان دو قالب ہوا کرتے تھے اور ایک پل کی دوری بھی ہم دونوں سے سہی نہیں جاتی تھی پر پھر زمانے کی ایسی نظر لگی کہ ہم جدا ہو گئے۔

” شادی تو کر لی ہو گی تم نے ”
اس نے نگاہیں چُراتے ہوۓ پوچھا۔

” کمبخت۔۔۔یہ دل مانا ہی نہیں تمہارے بعد ”
میں نے سینے پہ مُکا مارتے ہوۓ اس سے صاف جھوٹ بولا۔۔۔۔۔میں اسے دُکھی نہیں دیکھنا چاہتا تھا نا۔

” کر لینی چاہیے تھی ”
وہ ایک دم پر سکون ہو کر مجھے مشورہ دے رہی تھی۔

” اب کر لوں گا ”
میں نے دونوں ہاتھ سینے پہ باندھتے ہوۓ دیوار کا سہارا لے کر اسے حسرت بھری نگاہوں سے دیکھا۔۔۔۔اس نے فوراً رخ پلٹ کر دوسری طرف دیکھنا شروع کر دیا۔

” تم یہاں پلے سٹیشن کے پاس۔۔۔۔۔۔!!! ”
میں جانتا تھا کہ وہ شادی شدہ ہے اور دو بچوں کی ماں ہے پر میں اس کے منہ سے سننا چاہتا تھا۔

“وہ میرے بچے۔۔۔۔۔یہ کہہ کر وہ ایک لمحے کو رکی اور پھر ہچکچاتے ہوۓ آہستہ سے بولی۔۔۔۔۔۔ادھر اندر ہیں ”
وہ ایسے بتا رہی تھی جیسے اپنا گناہ قبول کر رہی ہو۔

” تو مجھے نہیں ملواؤ گی اپنے بچوں سے ”
میں نے اس کی خفت دور کرنے کے لیے کہا۔

” ہاں ہاں کیوں نہیں ”
وہ میری بات سن کر کِھل اٹھی اور بچوں کو لینے کے لیے اندر بڑھی۔

” چلو بچوں۔۔۔ماموں کو سلام کرو ”
وہ اپنی تین سالہ بچی اٹھاۓ اور پانچ سالہ بیٹے کا ہاتھ تھامے اسے میری طرف بڑھاتے ہوۓ بولی۔
میرے بچے کی طرف بڑھتے قدم جم سے گئے۔

” تمہارے پاس چُلو بھر پانی ہو گا ”
میں نے بے تاثر چہرے سے اس کی طرف دیکھا۔

” چُلو بھر کیوں پوری بوتل ہے نا ”
اس نے پانی کی بوتل نکالنے کے لیے بیگ میں ہاتھ ڈالا۔
اس کی اردو کمزور تھی میں جانتا تھا پر اتنی کمزور ہو گی مجھے اندازہ نہیں تھا۔
اس سے پہلے کہ وہ بوتل نکال کر مجھے تھماتی میں پہلے ہی وہاں سے نکل آیا۔
آپ کو تو شائد میرے اس کُرب کا اندازہ نہیں ہو رہا گا جس سے میں اس وقت گزر رہا تھا پر وہ لوگ جو جانُو سے ماموں بنے ہیں وہ میری اس حالت کو اچھے سے جان رہے ہوں گے۔

LEAVE A REPLY

Please enter your comment!
Please enter your name here